डोटीमा अस्पताल निर्माण गर्न स्थानीयपाठक परिवारले जग्गा दान गरेका छन्।

जिल्लाको के.आई.सिंह गाउँपालिका वडा नम्बर ४ मा १० शैयाको अस्पताल निर्माणका लागि विश्वनाथ पाठकले ९ रोपनी जग्गा दान गरिएको हो।

स्व. गौरीलाल पाठकका छोरा विश्वनाथ पाठकले ३ रोपनी, स्व. खडकनाथ पाठकका छोरा मनिराम पाठक रघुनाथ पाठक, प्रेमप्रसाद पाठक र श्यामप्रसाद पाठकले ३ रोपनी र स्व. कमलदेव पाठकका छोरा डिल्लीराजले ३ रोपनी गरी ९ रोपनी जग्गा दान गरेका हुन्।

डिल्लीराज पाठकले स्व। बुवाको स्मृतिमा आफूहरुले अस्पताल निर्माण गर्न जग्गा दान गर्न पाउँदा खुशी लागेको पाठकले जानकारी गराए ।

के.आई.सिंह गाउँपालिका अध्यक्ष लोकेन्द्रबहादुर शाहीले गाउँपालिकाको नाममा सो जग्गा नामसारीको लागि बुधबार मालपोत कार्यालय गएर अस्पतालका नाममा नामसारी गरिने बताए।

१७ मंसिर २०७७, बुधवार १२:५३ बजे प्रकाशित