दार्चुलामा ट्याक्टर दुर्घटना हुँदा एक जनाको मृत्यु भएको छ। आज दिउँसो जिल्लाको मार्मा गाउँपालिका–१ रातापानीमा ट्याक्टर दुर्घटना हुँदा मार्मा गाउँपालिका–६ का ४० वर्षीय गणेश धामीको मृत्यु भएको हो ।

त्यस्तै दुर्घटनामा परी मार्मा गाउँपालिका–१ का १६ वर्षीय विकास नेपाली, सोहि ठाउँका ५३ वर्षीय रामसिह महरा, १९ वर्षीय कृष्ण नेपाली, २२ वर्षीय सागर नेपाली र अपि हिमाल गाउँपालिका–२ का विरसिह लोथ्याल  घाइते भएको ईलाका प्रहरी कार्यालय लटिनाथका ईन्चार्ज एवं प्रहरी निरीक्षक कमलबहादुर बिष्टले जानकारी दिए।

घाइते पाँचै जनालाई उपचारका लागि गोकुलेश्वर अस्पताल लगिएको उनले बताए । ट्याक्टर चालक कमल लामालाई प्रहरीले नियन्त्रणमा लिएको छ।

१० भदौ २०७७, बुधवार १४:२६ बजे प्रकाशित