विगत लामो समयदेखि म्युजिक भिडियो क्षेत्रमा सक्रिय रहेका निर्देशक जिबी आग्रीको निर्देशनमा ‘मेरी राईझुमा’ बोलको गित सार्वजनिक भएको छ । ‘मेरी राईझुमा’ गितको भिडियोमा अहिलेका चर्चित टिकटक स्टार अंश वर्मा र सुस्मिता पन्तको अभिनय रहेको छ ।

जसमा गायक सुमन ताम्राकार र गायिका निरुता खत्रीको सुमधुर आवाज सजिएको छ । यो गित सुदूरपश्चिमको लोक देउडा गित हो । यो गितको छायांकन धनगढीको शिवपुरी धाममा गरिएको हो ।

गितमा उमेश मुस्कान र मिस्टर हनीको शब्द र उमेश मुस्कानको संगितमा रहेको छ भने म्युजिक एरेन्ज केशव बडुले गरेका छन् । गितको सम्पादक दिर्घ खडा रहेका छन् भने कोरियोग्राफर नरेश वीरले गरेका हुन् ।
गितको मिक्सिङ मास्टरिङ कुमार रानाले गरेका छन् भने रंग संयोजन राजेन्द्र मोक्तानले गरेका हुन ।

दिपक गिरी एण्ड टिमले छायांकन गरेको म्युजिक भिडियो अंश वर्माको अफिसियल युटुब च्यानल मार्फत सार्वजनिक गरिएको छ । यसअघि निर्देशक आग्रीको निर्देशनमा तयार भएका हजुर मुसुकै, नजरैको तिर, भिज्यो रुमाल लगायत थुप्रै गितले बजारमा चर्चा पाएका छन् ।

१७ जेठ २०७९, मंगलवार १२:३१ बजे प्रकाशित