कञ्चनपुरमा बसले ठक्कर दिँदा एक महिलाको मृत्यु
कञ्चनपुरमा बसको ठक्करबाट एक महिलाको मृत्यु भएको छ । जिल्लाको भीमदत्त नगरपालिका– ५ शान्ति निकेतन चोकमा बसको ठक्करबाट एक जना महिलाको मृत्यु भएको हो ।
सोमबार ना ४ ख ४४६६ नम्बरको बसले बाटो पार गर्न लागेकी मन्जु बुडाललाई ठक्कर दिँदा उनको घटनास्थलमै मृत्यु भएको जिल्ला प्रहरी कार्यलय कञ्चनपुरले जनाएको छ ।
सामान किनेर सडक पार गर्न खोज्दा बसले ठक्कर दिएको र चालक फरार रहेको प्रहरीले जनाएको छ ।
त्यस्तै ठक्करबाट महिलाको मृत्यु भएपछि चक्काजाम गरिएको छ । चक्काजाम गरिएपछि यातायात सेवा प्रभावित बनेको छ ।
२१ चैत २०७८, सोमवार १२:५६ बजे प्रकाशित
