स्याङ्जामा पुल भत्किँदा आठ जना घाइते, दुईको अवस्था गम्भीर
स्याङ्जामा निर्माणाधीन पुल भत्किँदा आठजना घाइते भएका छन् । यस्तै दुईजनाको अवस्था गम्भीर रहेको प्रहरीले जनाएको छ ।
चापाकोट नगरपालिका ८ प्याक्लुङमा निर्माणाधीन पुलमा बिम हाल्ने क्रममा क्रेनबाट सामान झरेको र उक्त सामानसहित पुलको केही भाग झरेर कामदारलाई लागेको हो ।
स्याङ्जा प्रहरी प्रमुख एसपी राजीव बस्नेतका अनुसार घाइतेहरुको पाल्पामा उपचार भइरहेको छ । पाल्पाका मिसन अस्पताल र प्रभास अस्पतालमा उपचार भइरहेको उनले बताए ।
२१ चैत २०७८, सोमवार १३:५७ बजे प्रकाशित
