नेपाली काँग्रेस कञ्चनपुरको सभापतिमा बोगटी विजयी
नेपाली काँग्रेस कञ्चनपुरको सभापतिमा पदम बोगटी विजयी भएका छन्।
निकटतम प्रतिद्वन्द्वी बहादुरसिंह थापालाई पराजित गर्दै बोगटी सभापतिमा निर्वाचित भएका हुन् । बोगटीले ८०६ मत प्राप्त गरे भने थापाले ७ सय १५ मत मात्रै पाए ।
कुल १५ सय ७१ मत खसेकोमा ५० मत बदर भएका थिए । बोगटी नेता रमेश लेखक निकट हुने भने थापा एनपी साउँद निकट हुन् ।
त्यस्तै, उपसभापतिमा मीनबहादुर सिंह (७८६) र हरिचन्द्र राना (७६३) विजयी भएका छन् ।
यसैगरि सचिवमा भीमराज भट्ट (७२८) र हेमराज ओझा (६९४) विजयी भएका छन् । त्यस्तै, सहसचिवमा नाफुसिंह साउँद (७२६) र पुष्कल चौधरी (६७४) निर्वाचित भएका छन् ।
१२ मंसिर २०७८, आइतवार १६:३२ बजे प्रकाशित
