नेपाल कम्युनिस्ट पार्टी एकीकृत समाजवादीले केन्द्रीय कमिटी बैठक बोलाएको छ।नवगठित एकीकृत समाजवादीको केन्द्रीय कमिटी बैठक असोज ५ गते विहान ११ बजेका लागि बोलाइएको केन्द्रीय कमिटी सदस्य मेटमणि चौधरीले बताए।

निर्वाचन आयोगले भदौ ९ गते पार्टी दर्ता प्रमाणपत्र उपलब्ध गराएपछि पहिलो पटक बैठक बस्न लागेको हो। बैठक काठमाडौंमा बस्ने भएपनि स्थानबारे टुंगो नलागनेको उनले बताए।

नेकपा एमालेका ५६ केन्द्रीय सदस्य र ३० सांसदले निर्वाचन आयोगमा सशरीर उपस्थित भई नयाँ दलका पक्षमा सनाखत गरेका थिए। एमालेबाट विभाजित भएर माधव कुमार नेपालको अध्यक्षतामा एकीकृत समाजवादी पार्टी गठन भएको हो।

२८ भदौ २०७८, सोमवार १३:०४ बजे प्रकाशित