नेपाल कम्युनिष्ट पार्टी एमाले (माधव समूह)को भातृ संगठन युवा संघ नेपालले धनगढीमा प्रधानमन्त्री केपी शर्मा ओलीको पुत्ला जलाएको छ।

एमाले अध्यक्ष तथा प्रधानमन्त्री केपीशर्मा ओलीले नेता माधव नेपाल र भीम रावललाई कारबाही गरेको विरोधमा पुत्ला दहन गरेको हो ।

जनमतको भावना विपरित नेता द्वय नेपाल र रावल माथि कार्यवाही गरेको विरोधमा युवा संघ नेपालका सुदूरपश्चिम अध्यक्ष बाबुराजा श्रेष्ठले बताए ।

पुत्ला दहनपछि युवा संघका नेताहरुले केपी शर्मा ओलीको विरोध र भीम रावलको पक्षमा नाराबाजीसमेत गरेका छन् ।

नेकपा एमालेले अध्यक्ष केपीशर्मा ओलीले वरिष्ठ नेता माधवकुमार नेपाल र उपाध्यक्ष भीम रावललाई ६ महिनाका लागि पार्टी सदस्यबाट निलम्वन गरिएको छ ।

१७ चैत २०७७, मंगलवार १८:४३ बजे प्रकाशित