महोत्तरीको भंगहा–८ धर्मपुरका पाँच बालिकासहित सात जना सम्पर्कविहीन बनेका छन्।

दिउँसो घाँस काट्न गएका ११ वर्षीया अर्चना पासमान, १२ वर्षीया सीमा र रञ्जना पासमान, १३ वर्षीया ज्योति र रिया पासमान, १७ वर्षीया नगिना पासमान र २० वर्षीया अस्मिता पासमान सम्पर्कविहीन भएका हुन् ।

दिउँसो घाँस काट्न गएका उनीहरू अबेर साँझसम्म नफर्किएको भंगहाका मेयर सञ्जीवकुमार साहले बताए । उनीहरूलाई कसैले बन्धक बनाएको हुन सक्ने आशंका गरिएको उनले बताए ।

बालिकाहरूको खोजी गर्न प्रहरी परिचालन गरिएको महोत्तरीका एसपी दिनेश आचार्यले बताए। भंगहा सशस्त्र बेस क्यापबाट पनि प्रहरी खटिएको छ।

१८ चैत २०७७, बुधवार ०७:५० बजे प्रकाशित