काठमाडौंको न्यूरोडमा हिँड्दै गरेकी दुई महिला स्रोत नखुलेको १९ लाख रुपैयाँसहित पक्राउ परेकी छन् ।

न्यूरोड–खिचापोखरी क्षेत्रमा सडकमा हिँडिरहेको अवस्थामा शंका लागेर चेकजाँच गर्दा उनीहरुको साथबाट स्रोत नखुलेको १९ लाख रुपैयाँ बरामद भएपछि प्रहरीले उनीहरुलाई पक्राउ गरेको हो । महानगरीय प्रहरी बृत्त जनसेवाबाट खटिएको प्रहरीको टोलीले उनीहरुलाई पक्राउ गरेको जनाइएको छ ।

पक्राउ पर्नेहरुमा काठमाडौंको तार्केश्वर नगरपालिका–७ घर भएकी ३० वर्षीया शान्ती घिमिरे र भक्तपुर चाँगुनारायण नगरपालिका–१ घर भएकी ३१ वर्षीया दुर्गा चौलागाई रहेका छन् । प्रहरीले उनीहरुमाथि थप अनुसन्धान अगाडि बढाइएको जनाएको छ ।

२३ माघ २०७७, शुक्रवार १४:१५ बजे प्रकाशित