कैलालीमा लागु औषधसहित एक जनालाई प्रहरीले पक्राउ गरेको छ ।

जिल्लाको भजनी नगरपालिका वडा नम्बर ३ बाट लागु औषधसहित आकाश चौधरीलाई प्रहरीले पक्राउ गरेको हो ।

इलाका प्रहरी कार्यालय भजनीबाट खटिएको प्रहरीले लु.६३ प ५० नम्बरको स्कुटरमा सवार आकाशको साथबाट ३ ग्राम ५३ मिलीग्राम लागु औषध बरामद गरेको जिल्ला प्रहरी कार्यालय कैलालीका प्रहरी नायब उपरिक्षक प्रतिक बिष्टले जानकारी गराए।

लम्किचुहा नगरपालिका वडा नम्बर १ घर भएका चौधरीलाई आवश्यक अनुसन्धान भईरहेको प्रहरी नायब उपरिक्षक बिष्टले जानकारी गराए ।

१७ मंसिर २०७७, बुधवार १४:४५ बजे प्रकाशित