काठमाडौं।सुनको मूल्य सोमबार थप १ हजार ४०० रुपैयाँले वृद्धि भएको छ।

अघिल्लो दिन १ हजार ६०० रुपैयाँले बढ्दै २ लाख ५२ हजार २०० रुपैयाँमा कारोबार भएको छापावाला सुनको मूल्य आज फेरि १ हजार ४०० रुपैयाँले बढेको हो।

आज स्थानीय बजारमा छापावाला सुन प्रतितोला २ लाख ५३ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै, आज चाँदीको मूल्य पनि ४५ रुपैयाँले बढ्दै ३ हजार ५३५ रुपैयाँ पुगेको छ। अघिल्लो दिन १५५ रुपैयाँले बढ्दै प्रतितोला ३ हजार ४९० रुपैयाँमा कारोबार भएको थियो।

१५ मंसिर २०८२, सोमवार १२:१० बजे प्रकाशित