साढे ८ किलो गाँजासहित एक युवती पक्राउ
काठमाडौं । साढे ८ किलो गाँजासहित बारामा एक जना युवती पक्राउ परेकी छन् ।
प्रहरी चौकी पथलैया बाराबाट खटिएको प्रहरी टोलीले बर्दियाको मधुवन नगरपालिका–७ बस्ने २५ वर्षीया प्रियंका श्रेष्ठलाई आइतबार बिहान पक्राउ गरेको हो ।
जितपुर सिमरा उपमहानगरपालिका–१ आधाभार जंगलबाट उनलाई पक्राउ गरिएको जिल्ला प्रहरी कार्यालय बाराका प्रवक्ता डिएसपी प्रकाश सापकोटाले जानकारी दिए ।
उनीविरुद्ध लागुऔषधको कसुरमा अनुसन्धान अघि बढाइएको प्रहरीले जनाएको छ ।
२० साउन २०८१, आइतवार १४:५४ बजे प्रकाशित
