त्रिभुवन विमानस्थलबाट गोली बोकेर जापान उड्न लागेकी एक युवती पक्राउ परेकी छन् । जापान जान लागेकी तनहुँकी सोविता नेपालीलाई प्रहरीले गोलीसहित पक्राउ गरेको हो ।

गोली बोकेर जापान उड्न लागेकी उनलाई आइतबार पक्राउ गरिएको विमानस्थल सुरक्षा प्रहरीका एसएसपी भीम ढकालले जानकारी दिए । उनी आइतबार राति नेपाल एयरलाइन्सको उडानबाट जापानको नारिता जान लागेकी थिइन् ।

भानु नगरपालिका ७ तनहुँकी २७ वर्षीया नेपालीको झोलाबाट प्रहरीले १ राउण्ड गोली फेला पारेको हो । घटनाबारे थप अनुसन्धान भइरहेको प्रहरीले जनाएको छ ।

२८ चैत २०७८, सोमवार १४:४७ बजे प्रकाशित