७२ घण्टापछि उद्धारका लागि औषधिसहित नेपाली सेनाको हेलिकप्टर थलारा पुगेको छ। आइतबार साँझदेखिको निरन्तरको वर्षाले बझाङ जिल्लाका सबै स्थानीय तहमा क्षति भएको छ।

वर्षाका कारण थलारा गाउँपालिका वडा ४ डिक्लाका सार्की परिवारका १९ जना र पार्की परीवारका ४ जना बेपत्ता भएका छन्।

त्यस्तै, १७० घर विस्थापित भएका छन्। अहिले उनीहरू नजिकै रहेको त्रिभुवन माध्यमिक विद्यालय बसेका छन्। ७ घर पूर्ण रूपमा पुरिएका छन्।

बेपत्ता भएकाहरूको खोजी तथा उद्धारका लागि राहत सामग्री र औषधि लिएर हेलिकोप्टर घटनास्थल थलारा पुगेको डिएसपी रुपक खड्काले बताए।

३ कात्तिक २०७८, बुधवार १२:३१ बजे प्रकाशित