उफ्रिँदै गएको गाईले कुल्चिँदा बालिकाको मृत्यु
मोरङको सुनवर्सी नगरपालिकामा गाईले कुल्चिँदा एक चार वर्षीया बालिकको मृत्यु भएको छ ।
नगरपालिकाको वडा नम्बर ८ बिश्वकर्मा टोलका मजमुल हकको चार वर्षीया छोरी सवाना खातुनको गाईले कुल्चिँदा मृत्यु भएको हो ।
सोही नगरपालिकाको वडा नम्बर ९ का सहदेव यादवको गाईले आँगनमा खेल्दै गरेकी बालिकालाई कुल्चिएको थियो ।
उफ्रिँदै आएको गाईले कुल्चिएपछि बालिकाको घटनास्थलमा नै मृत्यु भएको ईलाका प्रहरी कार्यालय रंगेलीले जनाएको छ ।
२३ वैशाख २०७८, बिहीवार ११:३८ बजे प्रकाशित
