दाङको बङ्गलाचुली गाउँपालिकामा एक १२ वर्षीया बालिका ‘झट्केलो’ बाबुबाट एक वर्षदेखि बलात्कृत हुँदै आएको घटना सार्वजनिक भएको छ ।

गाउँपालिकाको वडा नम्बर–२ मर्पेसकी बालिका जो निरन्तर ६१ वर्षीय ‘झड्केलो’ बुबाबाट बलात्कृत हुँदै आएकि हुन् । सात वर्षअघि आमाले दोस्रो विवाह गरेपछि छोरी पनि साथमा झड्केलो बाबुको घरमा आएकी थिइन् । गत मंसिरदेखि आफू उनै बाबुबाट निरन्तर बलात्कृत हुँदै आएको उनले बताइन् । ‘आमा जंगलमा घाँस काट्न गएका बेला ढोका थुनेर बलात्कार गरे ।

कतै भनेमा मारेर फालिदिने भनेर डराएपछि उनले कसैलाई भनिन्, बरु धेरै पटक बलात्कारमा परिन् । घरमा कोही नभएको मौका पारी जबर्जस्ती गर्दै आए ।

यसअघि पहिलो श्रीमतीको हत्या गरी १० वर्ष जेल बसिसकेका कारण उनी (बाबु) सँग सबै डराउने गरेको बालिकाकी आमाले बताइन् । ‘गत साउनमा एक दिन जंगलबाट फर्कंदा आफैंले देखेपछि छोरीलाई थप अत्याचार नहोस् भनेर मामाघर पठाएँ ।’ सुरुमा डराएर आफूले पनि कतै भन्न नसकेको उनले बताइन् ।

मामाघरमा गएका बेला बालिकालाई हिँड्नै समस्या भएको देखेपछि हजुरआमाले के भयो भनेर सोधेकी थिइन् । उनले यौनांग दुखेको बताएपछि हजुरआमाले सोधखोज गरिन् । पीडितको जाहेरीपछि प्रहरीले आरोपी बाबुलाई पक्राउ गरेको छ । बालिकालाई उपचार र मनोपरामर्शका लागि एक संस्थाको संरक्षणमा राखिएको छ ।

२ असोज २०७७, शुक्रवार १०:५४ बजे प्रकाशित