कोरोना भाइरस (कोभिड–१९) संक्रमणबाट चीनमा मर्नेको संख्या आइतबार १ हजार ६ सय ६६ पुगेको छ। चीनको हुबेइ प्रान्तको वुहानबाट महामारीका रूपमा फैलिएको भाइरस संक्रमणबाट हालसम्म चीनभन्दा बाहिरी देशमा ३ जनाको ज्यान गएको छ।

चिनियाँ सञ्चार माध्यम सीजीटीएनका अनुसार चीनमा भाइरसबाट संक्रमितको संख्या ६८,५८४ पुगेको छ। अन्य देशमा ५१० जनामा भाइरसको संक्रमण पुष्टि भएको छ। यसैगरी ९,४१९ जना निको भएका छन्।

गत डिसेम्बरबाट फैलिएको भाइरसका कारण विश्व स्वास्थ्य संगठनले विश्व स्वास्थ्य संकटकाल घोषणा गरेको छ। उसले भाइरस नियन्त्रणमा सहयोग गर्न अन्तर्राष्ट्रिय विज्ञ टोली पनि चीन पठाइसकेको छ।

४ फागुन २०७६, आइतवार ०७:२८ बजे प्रकाशित