काठमाडौं। नेपाल प्रहरीका डीआइजी विश्व अधिकारीको आर्थिक प्रशासन तथा प्रबन्ध निर्देशनालयमा पदस्थापन भएको छ।

सोमबार गृहमन्त्रीस्तरबाट उनको बढुवा र पदस्थापन भएको हो।

बढुवा भएका डीआइजी अधिकारीलाई प्रहरी महानिरीक्षक दानबहादुर कार्कीले बुधबार प्रहरी प्रधान कार्यालयका दर्ज्यान्ही चिन्ह सुशोभन गरेका छन्।

अधिकारी आफ्नो ब्याचमा एक नम्बरका एसएसपी भएपनि तत्कालिन आइजिपी चन्द्रकुबेर खापुङले उनलाई गत महिना बढुवामा छुटाएका थिए। नयाँ आइजिपी आएलगत्तै उनको बढुवा भएको हो।

प्रबन्ध निर्दशनालयका डिआइजी बिनोद घिमिरेको कोशी प्रदेशमा सरुवा भएसँगै त्यहाँको दरबन्दी रिक्त थियो।

१० मंसिर २०८२, बुधवार १७:५० बजे प्रकाशित