काठमाडौं, साउन २७ । उच्च अदालत पाटनले लगानी बोर्डका नवनियुक्त प्रमुख कार्यकारी अध्यक्ष (सिइओ) सुशील भट्टलाई काम गर्न रोक लगाउने आदेश दिएको छ ।

पाटनका मुख्य न्यायाधीश नहकुल सुवेदीको इजलासले भट्टलाई बोर्ड प्रमुखको हैसियतमा काम गर्न रोक लगाएको हो।

मन्त्रिपरिषदले साउन १९ गते भट्टलाई बोर्डको सिइओमा नियुक्त गरेको थियो। भट्टको योग्यता नपुग्ने र विभिन्न ठेक्कामा कालोसूचीमा परेको दाबी गर्दै अधिवक्ता जयबहादुर भुजेलले रिट दायर गरेका थिए।

२७ साउन २०७७, मंगलवार १०:४३ बजे प्रकाशित