डडेल्धुरा, साउन २६ । डडेल्धुराको गन्यापधुरा गाउँपालिका २ स्थित रडुवा खोलामा एक पुरुषको शव फेला परेको छ ।

सोमबार दिउँसो साढे २ बजेतिर गन्यापधुरा २ मेलमुडाका ४८ वर्षीय मानबहादुर बोहराको शव रडुवा खोलामा फेला परेको जिल्ला प्रहरी कार्यालय डडेल्धुराले जनाएको छ ।

बिहान घरबाट नुहाउन खोलामा गएका उनी १–२ घण्टासम्म नर्फिएपछि खोज्दै जाँदा उनी मृत अवस्थामा फेला परेका हुन् ।

२६ साउन २०७७, सोमवार १२:५२ बजे प्रकाशित