प्रधानमन्त्री प्रचण्डले गरे संसद् खुलाउन राष्ट्रिय दलसँग छलफल
प्रधानमन्त्री पुष्पकमल दाहाल प्रचण्डले संसद्मा जारी अवरोध खुलाउन प्रतिनिधि सभामा प्रतिनिधित्व गर्ने राष्ट्रिय दलसँग छलफल गरेका छन् ।
छलफल हाल प्रधानमन्त्री तथा मन्त्रिपरिषद्को कार्यालय सिंहदबारमा जारी छ ।
छलफलमा एमाले संसदीय दलका उपनेता सुवास नेम्वाङ, संसदीय दलका प्रमुख सचेतक पदम गिरि उपस्थित भएका छन् ।
त्यस्तै नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का, रास्वपा सभापति रवि लामिछाने, राप्रपाका अध्यक्ष राजेन्द्र लिङदेनलगायत दलका नेता सहभागी छन् ।
एमालेले १० साउनदेखि सुन तस्करी प्रकरणको छानविन गर्न उच्चस्तरीय छानबिन समिति बनाउन माग गर्दै संसद् विरोध गर्दै आएको छ ।
झण्डै एक महिनादेखि अवरुद्ध प्रतिनिधि सभाको बैठक आइतवार दिउँसोका लागि बोलाइएको छ।
३ भदौ २०८०, आइतवार १३:४० बजे प्रकाशित
