सुनको भाउ आज तोलामा ८ सय रुपैयाँले घट्यो
हिजो भाउ बढेर अहिलेसम्मकै उच्च भएको सुनको भाउ आज भने तोलामा ८ सय रुपैयाँले घटेको छ ।
नेपाल सुन चाँदी व्यवसायी महासङ्घका अनुसार आज सुनको भाउ तोलामा एक लाख १२ हजार ८ सय रुपैयाँ छ । हिजो एक लाख १३ हजार ६ सय रुपैयाँ पुगेको थियो ।
आज चाँदीको पनि भाउ घटेको छ । तोलामा १५ रुपैयाँले घटेर चाँदी आज एक हजार चार सय ८० रुपैयाँमा कारोबार भैरहेको छ । चाँदीको भाउ हिजो तोलामा एक हजार चार सय ९५ रुपैयाँ थियो ।
५ साउन २०८०, शुक्रवार १२:११ बजे प्रकाशित
