सुदूरपश्चिमका पहाडी जिल्ला अस्पतालमा सञ्चालन हुन नसकी थन्किएका भेन्टिलेटर फिर्ता मागिएको छ। सामाजिक विकास मन्त्रालय सुदूरपश्चिमले पहाडी जिल्लामा जनशक्तीको अभावमा संचालन हुन नसकेका भेन्टिलेटर फिर्ता मागेको हो ।

कोरोना संक्रमितको उपचारका लागि प्रयोगमा ल्याउन ती भेन्टिलेटर फिर्ता मगाइएको मन्त्रालयले जनाएको छ।

‘हामीले ६ जिल्ला अस्पतालमा चालु अवस्थामा नरहेको भेन्टिलेर मागेका हौं। ती मध्ये ४ जिल्ला अस्पतालले दिन्छौं भनेका छन्। तर अहिलेसम्म आएका छैनन्’ सामाजिक विकास मन्त्री कृष्णराज सुवेदीले भने।

हामीले तालिम दिएर पठाएका जनशक्तीहरुले केहिले छोडेको र केहिले काम गर्न नसक्ने बताएकाले ति भेन्टिलेटर फिर्ता मागेका हौं । जहां जनशक्ती छ त्याहा ल्याएर जनताको ज्यान त बचाउनु पर्यो  उनले भने । फिर्ता आएका भेन्टिलेटरलाई सेती प्रादेशिक अस्पतालमा जडान गरिने र पहाडी जिल्लामा अर्को व्यवस्था गर्ने उनले बताए।

कोरोनाको पहिलो भेरियन्ट चलिरहदा पहाडका ६ जिल्ला अस्पताललाई १०/१० बेडको आइसियू र २/२ वटा भेन्टिलेटर मन्त्रालयले दिएको थियो।

जस अन्तरगत प्रदेशका दार्चुला, बैतडी, अछाम, डोटी, बझाङ र बाजुराका जिल्ला अस्पताल रहेका छ्न । अहिले दार्चुलामा बाहेक अन्य जिल्लामा जनशक्ति अभावमा ती सबै थन्किएका छन्।

हाल सेती प्रादेशिक अस्पतालमा १०, टीकापुर अस्पतालमा ७, महाकाली अस्पतालमा ६ र डडेल्धुरा अस्पतालमा ६ ओटा भेन्टिलेटर सुचारु अवस्थामा छन्।

२५ वैशाख २०७८, शनिवार १४:०३ बजे प्रकाशित