धनगढीमा एक घरमा आगलागी भएको छ।

जिल्ला प्रहरी कार्यालय कैलालीका अनुसार उपमहानगरपालिकाको वडा नम्बर १५ झिनवा, कटानका प्रेम पातलीको दुईतले काठको घरमा आगलागी भएको छ। भान्सामा बालिएको आगोबाट अचानक आगलागी भएको बताइएको छ।

घर पूर्ण रुपमा जलेर नष्ट भएको छ भने गोठमा समेत आगलागी हुँदा एउटा बाख्रा मरेको र एउटा भैँसी, एउटा गाई र अर्को एउटा बाख्राको आधा शरीर जलेको प्रहरीले बताए । आइतबार भएको आगलागी दमकल, स्थानीय र प्रहरीको सहयोगमा नियन्त्रणमा लिइएको थियो।

१२ वैशाख २०७८, आइतवार १५:०४ बजे प्रकाशित