बैतडीकी १७ वर्षीया किशोरी भागरथी भट्टको बलत्कारपछि हत्यामा संलग्नलाई कार्वाहीको माग गर्दै धनगढीस्थित मुख्यमन्त्री कार्यालय अगाडि विद्यार्थीहरुले प्रदर्शन गरेका छन् ।

धनगढीका विभिन्न क्याम्पस तथा विद्यालयका विधार्थीले मुख्यमन्त्री तथा मन्त्री परिषदको कार्यालय अगाडि प्रदर्शन गरेका हुन् । उनीहरुले ‘हत्यारालाई फासी दे, यस्तो कानुन चाहिँदैन, न्याय हामीलाई चाहिन्छ’ भन्दै आन्दोलन गरेका हुन् ।

भागरथीको हत्या भएको ६ दिन बितिसक्दा पनि दोषीलाई पत्ता लगाउन नसकेको भन्दै विद्यार्थीहरुले आन्दोलनमा उत्रिनुपरेको बताएका छन् ।

२७ माघ २०७७, मंगलवार १७:१३ बजे प्रकाशित