धनगढीस्थित मोहनापुल–अत्तरिया ६ लेन सडकमा बिपरित दिशातर्फ जादै गरेका २ वटा मोटरसाइकल एक आपसमा ठोकिदा २ जना घाइते भएका छन ।

कञ्चनपुरको भीमदत्त नगरपालिका वडा नम्बर ६ का ३२ वर्षीय अशोक बम र पुनर्वास नगरपालिका वडा नम्बर ११ का २६ वर्षीय विनोद मगराती मोटरसाइकल आपसमा ठोकिदा घाइते भएका हुन ।

धनगढी उप–महानगरपालिका वडा नम्बर ३ नबिल बैँक अगाडि से १ प ८९९५ नम्बरको मोटरसाइकल र सु प प्र ०१००८ प ९५७४ नम्बरको मोटरसाइकल आपसमा ठोकिएको जिल्ला ट्राफिक प्रहरी कार्यालय कैलालीले जानकारी दिएको छ । टाउको र मुखमा चोट लागेका बमको माया मेट्रो अस्पतालमा उपचार हुँदै गरेको कार्यालयले जानकारी दिएका छन ।

मगराती सामान्य घाइते भएका ट्राफिक प्रहरीले जानकारी दिएको छ ।

१५ मंसिर २०७७, सोमवार १६:३३ बजे प्रकाशित