कैलाली उद्योग वाणिज्य संघका अध्यक्ष पुष्पराज कुँवरले नेपाल उद्योग वाणिज्य महासंघको केन्द्रीय सदस्यका लागि उम्मेदवारी घोषणा गरेका छन् । आगामी मंसिर ११ देखि १३ गतेसम्म हुने महासंघको ५४ औं साधारणसभा तथा अधिवेशनका कुँवरले केन्द्रीय सदस्यमा उम्मेद्वारी दिएका हुन् ।

सुदूरपश्चिम प्रदेशको तर्फबाट केन्द्रीय सदस्यमा उम्मेद्वारी दिएको अध्यक्ष कुँवरले जानकारी दिए । उनले यहाँका उद्योगी व्यवसायीहरुको समस्या र एजेण्डाहरुलाई सशक्त रुपमा उठाउने प्रतिबद्धतासहित आफूले केन्द्रीय सदस्यमा उम्मेद्वारी दिएको बताए । साथै उनले व्यवसायीहरुबाट अत्याधिक मत पाएर विजयी हुने आशा पनि व्यक्त गरेका छन् ।

उनले आफूलाई सहयोग गर्न व्यवसायीहरुलाई आग्रह पनि गरेका छन् । कैलाली उद्योग वाणिज्यले पनि अध्यक्ष कुँवरलाई केन्द्रीय सदस्यमा विजयी गराउउन आग्रह गर्दै प्रचार प्रसार गर्न सुरु गरेको छ ।

२४ कात्तिक २०७७, सोमवार २०:३० बजे प्रकाशित