अछाम । सुदूरपश्चिम प्रदेशका सामाजिक विकासमन्त्री मेघराज खड्का गृहजिल्ला अछाम पुगेका छन् ।

उनी मन्त्री भएपछि पहिलोपटक समिट एयरको जहाजमार्फत सोमबार दिउँसो गृहजिल्ला पुगेका हुन् ।

उनलाई साँफेबरस्थित विमानस्थलमा जिल्लास्थित नेपाली कांग्रेसका नेता कार्यकर्ता, स्थानीय जनप्रतिनिधि तथा जिल्लावासीले भव्य स्वागत गरेका थिए ।

मन्त्री खड्काले गृहजिल्लामा रहँदा विभिन्न कार्यक्रममा सहभागी हुने कार्यक्रम रहेको मन्त्री खड्काका स्वकीय सचिव महेन्द्र साउँदले जानकारी दिए ।

खड्काले गत साउन २१ गते सामाजिक विकास मन्त्रालयको जिम्मेवारी सम्हालेका थिए ।

१४ असोज २०८१, सोमवार २०:१९ बजे प्रकाशित