धनगढी । सुदूरपश्चिम प्रदेशको अस्थायी राजधानी धनगढीमा स्थापना भएको १५ वर्षपछि सिटिजन बैकको सुदूरपश्चिम प्रदेश कार्यालय र धनगढी शाखा कार्यालय आफ्नै भवनमा सरेको छ ।

विहीबार बैंकका प्रमुख कार्यकारी अधिकृत गणेशराज पोखरेलले एक कार्यक्रमकाबीच आफ्नै भवनको उद्घाटन गरेका हुन् । लामो समयदेखि धनगढी वसपार्क नजिक मेनरोडमा भाडाको घरमा रहेको बैंक अहिले चटकपुर राष्ट्रिय बाणिज्य बैंक नजिक ६ लेसडकमा आफ्नै भवनबाट सेवा दिने भएको छ ।

उद्घाटन कार्यक्रममा सुदूरपश्चिम प्रदेश कार्यालय प्रमुख हरिप्रसाद घिमिरेलगायत कर्मचारी र सेवाग्राहीहरुको उपस्थिती रहेको थियो ।

यस बैंकका हाल सुदूरपश्चिका १० सहित देशभर १ सय ९७ शाखाबाट सेवा दिईरहेको छ ।

६ भदौ २०८१, बिहीवार १५:५८ बजे प्रकाशित