कञ्चनपुरबाट लागूऔषधसहित दुई जना किशोर पक्राउ
धनगढी । कञ्चनपुरबाट लागूऔषधसहित दुई जना पक्राउ परेका छन्।
प्रहरीले डडेलधुराको भागेश्वर गाउँपालिका–४ घर भइ हाल कञ्चनपुरको भीमदत्त नगरपालिका–४ भासी कोठा गरि बस्ने किशोर र बैतडीको सुर्नया गाउँपालिका–४ का किशोरलाई पक्राउ गरेको हो । प्रहरीका अनुसार दुबै जना १८ वर्षीय किशोर हुन् ।
दुबै जनालार्इ शनिबार ० दशमलव ७८ ग्राम लागूऔषध र नगद २३ हजार ६ सय रुपैयाँसहित पक्राउ गरेको प्रहरीले जनाएको छ ।
प्रदेश प्रहरी कार्यालय महेनद्रनगर, लागूऔषध नियन्त्रण ब्युरो शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट संयुक्त रूपमा खटिएको प्रहरी टोलीले उनीहरू बस्ने कोठाबाटै नियन्त्रणमा लिएको जिल्ला प्रहरी कार्यालय कञ्चनपुरले जनाएको छ।
२० साउन २०८१, आइतवार १०:४९ बजे प्रकाशित
