रुकुम । रूकुम पश्चिममा १३ वर्षीया बालिकामाथि बलात्कार आरोपमा तीन जना पक्राउ परेका छन्।

बलात्कार आरोपमा प्रहरीले चौरजहारी नगरपालिका–१ का ३७ वर्षीय शिखर भण्डारी, २७ वर्षीय तिलकराज गिरी र २३ वर्षीय सुभाष बन गोसाईलाई पक्राउ गरेको छ ।

उनीहरूलाई रूकुम पश्चिमबाट खटिएको टोलीले मंगलबार राति पक्राउ गरिएको जिल्ला प्रहरी कार्यालय रूकुम पश्चिमका सूचना अधिकारी इन्स्पेक्टर बखतबहादुर शाहीले जानकारी दिए।

इन्स्पेक्टर शाहीका अनुसार पक्राउ परेकाहरूमाथि एक बालिकालाई चौरजहारीकै होटलमा फकाइफुल्याइ लगेर बलात्कार गरेको आरोप छ । सूचना पाएलगत्तै खटिएको प्रहरी टोलीले उनीहरूलाई पक्राउ गरेको थियो।

घटनाबारे थप अनुसन्धान अगाडि बढाइएको प्रहरीले जनाएको छ ।

१६ साउन २०८१, बुधवार १३:३० बजे प्रकाशित