जनकपुरमा कारले ठक्कर दिँदा पत्रकार रोहिताको मृत्यु
जनकपुरधाम । जनकपुरमा कारले मोटरसाइकलमा ठक्कर दिँदा एक जना पत्रकारको मृत्यु भएको छ ।
दुर्घटनामा परेर राजधानी जनकपुर अनलाइनमा कार्यरत शहीदनगर नगरपालिका ८ का बासिन्दा ३२ वर्षीय शिवेन्द्र रोहिताको मृत्यु भएको हो ।
जिल्ला प्रहरी कार्यालय धनुषाका अनुसार आज बिहान ३ बजेतिर जनकपुरधामको थापाचोकमा बा२१च ३३४३ नम्बरको कारले रोहिता सवार प्रदेश२ज ५६९४ नम्बरको मोटरसाइकलमा ठक्कर दिँदा उनको घटनास्थलमै मृत्यु भएको हो ।
दुर्घटनामा मोटरसाइकलको पछाडि बस्ने २५ वर्षीय जयनाथ यादव घाइते भएका छन् । उनको जनकपुरको सीता अस्पतालमा उपचार भइरहेको छ ।
५ जेठ २०८१, शनिवार ०९:३९ बजे प्रकाशित
