भारतीय सेनाको गाडी दुर्घटना हुँदा नौ सैनिकको मृत्यु
भारतीय सेनाको गाडी शनिवार साँझ लद्दाखमा दुर्घटना भएको छ। दुर्घटनामा नौ जना सैनिकको ज्यान गएको छ ।
भारतीय सञ्चार माध्यमहरूले जनाए अनुसार दुर्घटनामा ९ सैनिकको मृत्यु भएको छ भने एक जना घाइते भएका छन् । घाइतेको उपचार भइरहेको उल्लेख छ । गाडीमा १० सैनिक सवार थिए ।
सेनाको गाडी एउटा गहिरो खाल्डोमा खसेको बताइएको छ ।
दुर्घटनापछि प्रधानमन्त्री नरेन्द्र मोदी, रक्षा मन्त्री राजनाथ सिंह, गृहमन्त्री अमित शाहलगायतले दु:ख व्यक्त गरेका छन् ।
३ भदौ २०८०, आइतवार ०८:०८ बजे प्रकाशित
