काठमाडौं । प्रहरी प्रधान कार्यालयले एआईजी मीरा चौधरी, डीआईजी बुद्विराज गुरुङसहित २४ जना प्रहरी अधिकारीलाई पुरस्कृत गरेको छ । पुरस्कृत हुनेको सूचीमा जिल्ला प्रहरी कार्यालय कैलालीका प्रमुख प्रहरी उपरिक्षक देबेन्द्र बहादुर पाल पनि परेका छन् ।

पुरस्कृत हुनेकै सूचीमा नक्कली भुटानी शरणार्थी प्रकरणको अनुसन्धान गर्ने एसएसपीद्वय दानबहादुर कार्की र डा. मनोजकुमार केसी पनि रहेका छन् ।

प्रहरी महानिरीक्षक वसन्त कुँवरले उत्कृष्ट काम गरेको भन्दै उनीहरूलाई नगदसहित पुरस्कृत गरेका हुन् ।

अनुशासित ढंगले लगनशील, इमान्दार, व्यावसायिक एवं कर्तव्यनिष्ठ तवरले कुशलतापूर्वक प्रशासनिक रूपमा कार्यसम्पादन गरेको भन्दै उनीहरूलाई पुरष्कृत गर्ने निर्णय गरिएको प्रहरी प्रधान कार्यालयले जनाएको छ ।

हेर्नुहोस् सूची

३ साउन २०८०, बुधवार १०:२९ बजे प्रकाशित