बुटवल । बालिका बलात्कारको आरोपमा रुपन्देही प्रहरीले एक जनालाई पक्राउ गरेको छ । १२ वर्षीया बालिकालाई जबर्जस्ती करणी गरेको अभियोगमा सियारी गाउँपालिका–४ ओर्लहबाका ५० वर्षीय चन्द्रिका हरिजन पक्राउ परेका हुन् ।

हरिजनले छिमेकी बालिकालाई शुक्रबार बिहान जबर्जस्ती करणी गरेको आरोप लागेको छ । स्थानीयको उजुरीपछि भागेका उनलाई सोमबार इलाका प्रहरी कार्यालय छपियाबाट खटिएको प्रहरीले पक्राउ गरेको हो ।

अभियुक्तलाई सोमबार नै करणी मुद्दामा थप अनुसन्धान गरिरहेको प्रहरीले जनाएको छ ।

१९ असार २०८०, मंगलवार ०९:२४ बजे प्रकाशित