नेपाली बजारमा आज सुनचाँदीको मूल्यमा गिरावट आएको छ ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य प्रतितोलामा ९०० रुपैयाँले घटेर १ लाख ११ हजार ८०० रुपैयाँमा कारोबार भइरहेको हाे । मंगलबार छापावाल सुन १ लाख १२ हजार ७०० रुपैयाँ कायम भएको थियो ।

साथै बुधबार तेजाबी सुन १ लाख ११ हजार २५० रुपैयाँ कायम भएको छ ।

त्यस्तै, आज चाँदीको भाउ पनि तोलामा २५ रुपैयाँले घटेर १ हजार ४२५ रुपैयाँ कायम भएको महासंघले जनाएको छ । मंगलबार चाँदीको भाउ .तोलामा १ हजार ४५० रुपैयाँ कायम भएको थियो ।

३१ जेठ २०८०, बुधवार ११:३७ बजे प्रकाशित