विश्वकप अभ्यास खेल : नेपालले युएईलाई दियो २७७ रनको लक्ष्य
एकदिवसीय विश्वकप क्रिकेट छनोटको अभ्यास खेलमा नेपालले यएईलाई २७७ रनको लक्ष्य दिएको छ।
जिम्बाब्वेस्थित ओल्ड हर्यारियन्स स्टेडियममा जारी खेलमा नेपालले १ बल अगाडी नै अलआउट हुँदै २७६ रन बनाएको हो ।
नेपालका लागि आसिफ शेखले ५२ र कुशल मल्लले ४६ रन बनाए । यस्तै कुशल भूर्तेल ३९, आरिफ शेख ३५, सोमपाल कामी १५, गुल्सन झा १० तथा दीपेन्द्र सिंह ऐरी र भीम सार्की ८-८ रन बनाएर आउट भए ।
नेपालले विश्वकप क्वालिफायर अघि दुईवटा अभ्यास खेल खेल्नेछ । पर्सि नेपालले ओमानसँग प्रतिस्पर्धा गर्नेछ ।
३० जेठ २०८०, मंगलवार १७:१० बजे प्रकाशित
