कैलाली उद्योग वाणिज्य संघका अध्यक्ष पुष्पराज कुँवरले जिल्ला नगर उद्योग वाणिज्य संघको कार्यकारिणी सदस्य (खुला तर्फ)  उम्मेदवारी घोषणा गरेका छन् ।

यहि चैत २८ र २९ गते काठमाडौँमा हुन गइरहेको ५७ औ वार्षिक साधारण सभा एवं निर्वाचनमा संघको कार्यकारिणी सदस्य (खुला तर्फ) को पदमा उम्मेदवारी दिने उनले आज सञ्चारकर्मीहरूलाई जानकारी दिएका हुन् ।

अहिले सम्म सुदूरपश्चिम प्रदेशबाट यो पदमा कोही पनि निर्वाचित हुन सकेका छैनन् । यस पटक जित्ने गरि समन्वय गरेर उनलाई अघि सारिएको उद्योग वाणिज्य संघ कैलालीका  सचिव ओम विक्रम विष्टले बताए ।

‘ कैलाली उद्योग वाणिज्य संघका अध्यक्ष पुष्पराजलाई संघको आधिकारिक उम्मेदवारको रुपमा अगाडी सारिएको जानकारी गराउन चाहन्छु’उनले भने यस बिषयमा सबैसँग समन्वय भएको छ । सबैले उहाँलाई जिताउन लाग्ने बताउनु भएको छ । ’

उम्मेदवारी घोषणा गर्दै कुँवरले यस क्षेत्रबाट व्यापारीको समस्याको आन्दोलन सुरु गरेर देशै भरी फैलाउन सफल भएको भन्दै आफूले जित्ने दाबी गरे । अध्यक्ष कुँवरले जिल्ला नगर सदस्य संस्थाको अध्यक्षबाट समन्वय गरेर उम्मेदवारी दिने भएकाले मतदान गरी सहयोग गरिदिन अनुरोध गरे ।

१४ चैत २०७९, मंगलवार १९:३० बजे प्रकाशित