धनगढीमा फागुन १६ देखि सूचना प्रविधि प्रदर्शनी सुरु हुने
कम्प्युटर एसोसिएसन नेपाल कैलालीले धनगढीमा सूचना प्रविधि प्रदर्शनी (क्यान इन्फोटेक २०२३) आयोजना गर्ने भएको छ । आज पत्रकार सम्मेलनको आयोजना गर्दै आगामी फागुन १६ गते देखि २० गते सम्म सूचना प्रविधि प्रदर्शनी सुरु हुने जानकारी गराइएको हो ।
पहिलो इन्फोटेक भएको सात बर्सपछि कैलालीमा दोस्रो संस्करणको आयोजना गर्न लागिएको हो ।
मेलामा सूचना प्रविधिको बारेमा जानकारी दिने, नवीनतम प्राविधिक सामग्रीको प्रदर्शनी गरिने, साइबर सेक्युरिटी सम्बन्धी जानकारी दिइने कम्यूटर एसोसिएसन कैलालीका अध्यक्ष यज्ञराज ओझाले बताए ।
इन्फोटेक मेला मूल संयोजक नरेशसिंह धामीका अनुसार देश विदेशमा भित्रिएका नवीनतम प्रविधिको बारेमा मेलामा जानकारी दिइने छ । त्यसै गरी सबै प्रकारका प्रविधिहरूको एउटै ठाउँमा प्रदर्शनी गरिने छ । यसका साथै प्राविधिक शिक्षा अध्ययनरत विद्यार्थीलाई लक्षित गरेर सेमीनारको पनि आयोजना गरिने छ ।
मेलामा विद्यार्थीले उत्पादन गर्ने प्राविधिक सामग्रीको पनि प्रदर्शनी गरिने छ । ५० स्टल रहने उक्त प्रदर्शनी प्रदेशका सबै जिल्लाबाट ५० हजार देखी १ लाखले अवलोकन गर्ने अपेक्षा गरिएको छ ।
१ फागुन २०७९, सोमवार १८:१५ बजे प्रकाशित
