बझाङमा ट्र्याक्टर दुर्घटना हुँदा एकको मृत्यु, ६ घाइते
बझाङमा ट्र्याक्टर दुर्घटना हुँदा एक जनाको मृत्यु भएको छ। प्रहरीका अनुसार जिल्लाको सुर्मा गाउँपालिका–२ रातोपडमा सडकमा काम गरेर घरतर्फ गइरहेको सु.प.प्र. ०२००१ त १३०८ नम्बरको ट्र्याक्टर बिहीबार राति घट्टेखोलामा दुर्घटना भएको थियो।
दुर्घटनामा २७ वर्षीय नरेश बोहराको मृत्यु भएको प्रहरीले बताएको छ। त्यस्तै, चालक विमल बोहरासहित ६ जना घाइते भएका र उनीहरु जिल्ला अस्पतालमा सामान्य उपचारपछि डिस्चार्ज भइसकेका जिल्ला प्रहरी कार्यालय बझाङले जनाएको छ।
ट्र्याक्टरको स्टेरिङले काम नगर्दा दुर्घटना भएको जिल्ला प्रहरी कार्यालयका प्रमुख डिएसपी ज्ञानबहादुर विष्टले बताए।
१७ असार २०७९, शुक्रवार १०:१९ बजे प्रकाशित
