अछामका किशोर विनोद शाहीको मृत्यु भएको घटनाको सत्य तथ्य पत्ता लगाएर दोषीमाथि कारबाहीको प्रक्रिया अघि बढाउन सभामुख अग्नि सापकोटाले सरकारलाई निर्देशन दिएका छन् । आजको प्रतिनिधिसभा बैठकमा उनले उक्त घटनाबाट आफ्नो गम्भीर ध्यानाकर्षण भएको बताए ।

बैठकको विशेष समयमा सांसद यज्ञबहादुर बोगटीले शाहीको मृत्युको घटनामा प्रहरीले जाहेरीसमेत लिन नमानेको भन्दै सभामुखमार्फत् सरकारको ध्यानाकर्षण गराएका थिए । त्यसपछि सभामुख सापकोटाले सरकारलाई निर्देशन दिएका हुन् ।

‘माननीय सदस्यले उठाउनुभएको विषयमा मेरो गम्भीर ध्यानाकर्षण भएको छ । सो सम्बन्धमा म नेपाल सरकारको ध्यानाकर्षण गराउन चाहन्छु । घटनाको सत्य तथ्य पत्ता लगाई दोषीमाथि कारबाहीको प्रक्रिया अगाडि बढाउन नेपाल सरकारलाई निर्देश गर्दछु’, सभामुखले भने ।

२५ जेठ २०७९, बुधवार १३:१० बजे प्रकाशित