नेपाली काँग्रेस कैलालीका नेता नृप सुनारले कोरोना संक्रमितको मृत्युवरण रोक्न प्लेन चार्टर गरेर भएपनि अक्सिजन ल्याएर व्यवस्थापन गर्न अस्पतालबाटै अपील गरेका छन् ।

कोरोना संक्रमितको आफन्तको तीन दिनदेखि कुरुवाका रुपमा अस्पतालमै बसेका नेता सुनारले सामाजिक सञ्जाल फेसबुकबाट भिडियोमार्फत सुदूरपश्चिम प्रदेश सरकारसंग यस्तो अपील गरेका हुन् ।

आफ्नो आँखा अगाडि दैनिक संक्रमित बिरामीले मृत्युवरण गरिरहेको भन्दै यो भयावह अवस्था रोक्न अक्सिजनको व्यवस्थापन गर्न उनले हात जोडेरै यस्तो अपील गरेका छन् ।

‘सुदूरपश्चिम प्रदेशका मुख्यमन्त्रीलाई मेरो हार्दिक अनुरोध र अपील छ,’ उनले हात जोडेर भनेका छन्, ‘प्रदेशबासीकोे स्वास्थ्य भन्दा ठूलो अर्को विकास हुँदैन । अनेकन विकल्प अपनाएर भएपनि अक्सिजनको सहज आपूर्ति र व्यवस्थापन चाँडो भन्दा चाँडो गर्नुपर्छ । यो काममा तपाईलाई कसैले रोक्दैन ।’

उनले प्रयाप्त अक्सिजन भएका ठाउँबाट अक्सिजन ल्याउन आग्रह गरेका छन् । मुख्यमन्त्रीलाई आफ्नो कर्तव्यबाट विमुख नहुन सुझाव पनि उनले दिएका छन् । अक्सिजनको व्यवस्थापन गर्नसके मृत्युदर कम गर्न सकिने अवस्था रहेको उनको भनाई छ ।

साथै उनले कोरोना संक्रमण रोक्न सीमामा पनि कडाई गर्नुका साथै आइसोलेनको व्यवस्थापन गरेर थप भयावह अवस्था आउन नदिन पनि आग्रह गरेका छन् ।

प्रदेश सरकारलाई अपील :

२८ वैशाख २०७८, मंगलवार २०:४२ बजे प्रकाशित