म्यानमारमा सैन्य सरकारको कडा दमन, एकैदिन ५० जना बढीको मृत्यु
म्यानमारमा सैन्य सरकारले प्रदर्शनकारीमाथि कडा दमन गरिरहेको छ । आज मात्रै कम्तीमा ५० जनामा प्रदर्शनकारी मारिएको सीएनएनले जनाएको छ ।
शनिबार म्यानमारको साङगिङ क्षेत्रको तान्त्से शहरमा हजारौँको संख्यामा प्रदर्शनकारीहरु सडकमा निस्किएका छन्। त्यसैगरी म्यानमारको दोस्रो शहर मण्डालेमा पनि व्यापक प्रदर्शन भएको छ ।
गत फेब्रुअरी १ मा म्यानमारको निर्वाचित सरकारलाई अपदस्थ गरी सेनाले सत्ता हातमा लिएपछि त्यसको विरोधमा निरन्तर प्रदर्शन भइरहेको छ । सैन्य कु विरुद्धको प्रदर्शनमा हालसम्म ३५० भन्दा बढीको मृत्यु भइसकेको छ। जसमा कैयौं नाबालक मारिएका छन् ।
१४ चैत २०७७, शनिवार १८:१७ बजे प्रकाशित
