बन्चरो प्रहार गर्दै खुकुरीले घाँटी रेटेर दाजूको हत्या
सिन्धुलीमा घरायसी विवादमा भाइले बञ्चरो प्रहार गरि खुकुरीले घाटी रेटर दाजुको हत्या गरेका छन्।
जिल्लाको मरिण गाउँपालिका वडा नं। ३ मथौलीका गणेश भनिने मानबहादुर बम्जनले आफ्नै दाजु ४८ वर्षिय चेतबहादुर बम्जनको हत्या गरेको जिल्ला प्रहरी कार्यालय सिन्धुलीले जनाएको छ ।
विहीबार दिउँसो बाबुआमासँग आफ्नै घरमा आएर बसेका दाजुलाई घरमा जा मेरो घरमा किन आएको भन्दै भाइले लखेट्न खोजेको र नगएपछि पछाडीबाट बञ्चरोको पासोले हिर्काएको प्रहरीले जनाएको छ ।
जिल्ला प्रहरी कार्यालय सिन्धुलीका प्रहरी निरीक्षक सन्तोष पोखरेलअनुसार दाजुभाइ मदिरा सेवन गर्ने र दैनिक जग्गाका निहुँमा झगडा गरिरहने गर्दथे ।
दाजुको हत्या गरेको आरोपमा भाईलाई मरिण-३ मथौलीमा रहेको आफ्नै घरबाट राती पक्राउ गरिएको पोखरेलले बताए । उनका अनुसार शुक्रबार म्याद थप गरि अनुसन्धान थालिने भएको छ ।
मृतकको शव पोष्टमार्टमका लागी प्राथमिक स्वास्थ्य केन्द्र कपिलाकोटमा राखिएको छ ।
२३ माघ २०७७, शुक्रवार ११:५५ बजे प्रकाशित
