बैतडीमा भारतको झुलाघाटबाट नेपाल भित्रिरहेको करिब डेढ लाख रुपैयाँ बराबरको अवैध सामान बरामद गरिएको छ । सशस्त्र प्रहरीको गस्ती टोलीले नाकाबाट अवैध रुपमा नेपाल भित्र्याइएको बिँडी बरामद गरेको हो ।

शनिबार राति जिल्लाको दशरथचन्द नगरपालिका–६ सुकुट्टीबाट १ लाख ३२ हजार बराबरको ६ पेटी बिँडी बरामद गरिएको सशस्त्र प्रहरी बल नेपाल नम्बर ५१ गुल्म बैतडीका सशस्त्र प्रहरी नायव उपरीक्षक गणेश शाहले जानकारी दिए ।

बरामद गरिएको बिँडी आइतबार महाकाली भन्सार कार्यालय झुलाघाटलाई बुझाइएको उनले जानकारी दिए ।

२४ कात्तिक २०७७, सोमवार १६:१० बजे प्रकाशित