अछामको चौरपार्टी गाउँपालिकाका एक व्यक्तिको हत्यामा संलग्न भई फरार भएका एक व्यक्ति १० वर्षपछि पक्राउ परेका छन् । साविकको सिउँडी गाविस वडा नम्बर ८ का ५१ वर्षीय गमानसिंह थापालाई प्रहरीले पक्राउ गरेको हो ।

वि.स. २०६७ असोज ५ गते सोही ठाउँका चक्र थापालाई कर्तव्य गरि मारेको ज्यान सम्बन्धी कसुर मुद्दामा संलग्न चार जनालाई तत्कालै पक्राउ गरेपनि उनी फरार थिए । प्रहरीकाअनुसार गमानसिंह घटनामा भएदेखिकै मिति र स्थानबाट फरार रहेका थिए ।

यस पटक भने आफनैै घरमा लुकिछिपी बसेको अवस्थामा प्रहरीले उनलाई आइतबार पक्राउ गरेको हो । उनलाई पक्राउ गरेपछि अदालतकोे आदेशमा कैद भुक्तानका लागि जिल्ला कारागारमा पठाइएको जिल्ला प्रहरी कार्यालय अछामले जनाएको छ ।

२९ भदौ २०७७, सोमवार १६:४० बजे प्रकाशित