संखुवासभा, असार २८ । वर्षासंगै गएराति बस्तीमा आएको पहिरोले संखुवासभाको सिलिचोङ गाउँपालिकामा आठ घर पुरिएका छन् भने ११ जना बेपत्ता भएका छन् ।

गाउँपालिका वडा नम्बर १ बेसिन्दामा आठ वटा घर बगाउँदा ११ जना बेपत्ता भएका जिल्ला प्रहरी कार्यालय संखुवासभाका डिएसपी नवराज मल्लले जानकारी दिए। उनका अनुसार पहिरोमा पुरिएकाहरुको खोजी तथा उद्दारका लागि प्रहरीको टोली घटनास्थलतर्फ गइरहेको छ।

घटनास्थल विकट स्थानमा रहेको र बाटोमा सानातिना पहिरोले बाटो अवरुद्ध हुँदा त्यहाँसम्म जान समस्या परेको डीएसपीले मल्लले बताए।

२८ असार २०७७, आइतवार ०३:३१ बजे प्रकाशित