एम्बुलेन्स चालकले मागे सुरक्षा सामाग्री

धनगढीः सुदूरपश्चिम प्रदेशका एम्बुलेन्स चालकले सुरक्षा सामाग्री माग गर्दै सरकारको ध्यानाकर्षण गरेको छ। बिहीबार संयुक्त एम्बुलेन्स चालकले प्रदेशका सामाजिक विकास मन्त्री र कैलाली प्रमुख जिल्ला अधिकारीलाई आवश्यक सामाग्री माग गर्दै निवेदन पेस गरेका छन्।

संघका प्रदेश अध्यक्ष लक्ष्मण सिंहले निवेदन मन्त्री कृष्णराज सुवेदी र कैलाली प्रमुख जिल्ला अधिकारी यज्ञराज बोहरालाई निवेदन दिएका थिए। एम्बुलेन्स चालकहरू असुरक्षित भएर एम्बुलेन्स चलाउन बाध्यता रहेको सो निवेदनमा उल्लेख छ।

निवेदनमा एन्टी ब्याक्टेरियल स्प्रे र सुरक्षा सामाग्री (मास्क, पन्जा, एप्रोन, गमबुट, सेनिटाइजर) चालकलाइ उपलब्ध गराउन माग गरिएको छ। यस प्रदेशबाट सञ्चालित एम्बुलेन्सहरूले बिहीबारसम्म सेवा प्रदान गर्दै आइरहेको र कोरोना भाइरससम्बन्धी समस्या जटिल बन्दै गइरहेको परिप्रेक्षमा एम्बुलेन्स सेवालाई निरन्तर सुचारू गर्नका लागि सुरक्षा सामाग्री उपलब्ध गराइनुपर्ने उल्लेख छ।


१३ चैत २०७६, बिहीवार ०९:५३ बजे प्रकाशित

प्रतिक्रिया दिनुहोस्

सम्बन्धित शीर्षकहरु