अनोज रोक्का
पहिलो नेपाल आईडल टप ७ प्रमिला राईको स्वर रहेको ‘प्रश्न π लुकेका कुरा’ गीतमा भिडियो निर्माण भएको छ । चर्चित निर्देशक युगल पोमो लिम्बुले भिडियोलाई निर्देशन गरेका छन् ।

समलिङ्गीको प्रेम, ईमोशन र मानसिक द्धन्दलाई भिडियोको थिम बनाईएको छ । करिब १ हप्ता लगाएर हामीले छायाङ्कन गर्यौ निर्देशक पोमो भन्छन् । चलिरहेको प्रेमील भिडियोभन्दा पृथक थिममा काम गर्न च्यालेञ्ज थियो तर दर्शकहरुका लागि हिडन ईमोशनलाई पात्रहरुको माध्यमबाट भिडियोमा उत्तार्दा खुसी लागिरहेको छ ।
सयौं म्युजिक भिडियो निर्देशन हुदै नेचर गाई मार्फत चलचित्र निर्देशनमा होमिएका पोमोले हङकङको लोकेशनमा दुई दर्जन भिडियो निर्देशन गरिसकेका छन् ।मज्जाको प्रडक्सन हङकङको ब्यानरमा निर्माण गरिएको भिडियोलाई मज्जाको राईले खिचेका हुन् । ओम गुरुङ, ट्रेसी राई, दिनेश खत्रीको अभिनय रहेको भिडियोलाई अनिल के महर्जनले सम्पादन गरेका छन् । गीतमा रेज लिम्बुको शब्द, संगित रहेको छ ।

हङकङको विभिन्न पर्यटकीय स्थलहरुमा भिडियोको छायाङ्कन गरिएको छ । हामीले लगानीमा सम्झौता गरेनौ, निर्माता तथा सिनेमेटोग्राफर मज्जाको राई बताउछन् । हङकङको ब्यस्त समयमा पनि निरन्तर भिडियोको थिमलाई न्याय दिनका लागि कोशिस गरेका छौ, दर्शकहरुको सकारात्मक प्रतिक्रियाले उर्जा मिलेको छ ।पछिल्लो समय हङकङको प्राकृतिक रमणियता र विकसित आधुनिकताभित्र नेपाली भिडियो छायाङ्कनको क्रम बढिरहेको छ ।

५ फागुन २०७६, सोमवार ०६:३१ बजे प्रकाशित